Sunday 23 August 2015

ചില പകലുറങ്ങുമ്പൊളൊരു നിറവാണു
നീ ഞാന് നീ നീ ഞാന്ൻ എന്നോര്ത്ത്
കിടക്കുമ്പോള് ഹാ സുന്ദരം ജീവിതം
ചില പകലുരുകി തീരുമ്പോള്
മഴയ്യത്തു തെറിച്ചു വീണുപോയൊരു
ഓലപോലെ വഴിതടഞ്ഞു ചില
ചിന്തകൾവീണുകിടക്കും,
അപ്പോൾ നീയില്ല,അതുകൊണ്ട്ഞാനില്ല
ഭംഗിയില്ലാതെ രൂപങ്ങളിLൽ
ഉരുകി മരവിച്ച മെഴുകുപോലെ ഒരു പകൽ,
ചില ജീവിതങ്ങൾ,എത്ര ചുരണ്ടിയാലും നീങ്ങാതെ
ചില നൊമ്പരങ്ങLൾ.
കടലിൽ ചാടിമരിക്കാnൻ വന്നവളുടെ കണ്ണീരിl
മുങ്ങിമരിച്ച കടലുപോലെ മരവിച്ച ദിവസം.
ആരു ആRക്കു കൊടുക്കുമെന്നറിയാത്ത
സങ്കടപൊതികൾ,
എവിടെ മറന്നുവെക്കണെമെന്നോRതോRത്ത്.
അടുത്തടുത്തടുപ്പുകളിൽ തീകൊള്ളുന്ന
മNചട്ടികളാവും നാമപ്പോൾ
ചൂടറിയാം മണമറിയാം
ഇടക്കുതിളച്ചു തൂവുന്ന സങ്കടങ്ങളറിയാം
എങ്കിലും ഉള്ളിലെ വേവോ,
വേവിന്റെ പൊരുളുമറിയില്ല പരസ്പരം
ഹാ ചില ദിവസങ്ങൾ.

ഒരു കുന്നിന്റെ നെറുകയിൽ നിന്നു താഴെ
കറുത്ത പച്ചയിലെക്കു നോക്കിയിട്ടുണ്ടോ
അവിടെവിടെയോ നമ്മുടെ ഇടം
അടയാളപെടുത്തിയിട്ടുണ്ടെന്നു തോന്നും
നിറഞ്ഞ നദിയുടെ ജലതലം പോലെ
ഇരുട്ടും തണുപ്പും മരവിപിക്കുമെങ്കിലും
ആഴങ്ങളിലേക്കു വലിക്കുന്ന എന്തോഒന്നുണ്ടു
ഗുരുത്ത്വാകർഷ്ണം പോലെ ഒന്നു
കുതറി ദൂരേക്കു മാറുന്നത്രയും
ശക്തിയോടെയും വേദനയോടെയും
ഞാൻ നിന്നിലേക്കുതന്നെ വന്നടിയുന്നു
നോക്കിനോക്കിയിരിക്കെ തെളിയുന്ന
വെളിച്ചപൊട്ടു പോലെ,
ചായമടർന്ന ചുവരിൽ നിഴൽ
പോറിയിടുന്ന വരകളെ പോലെ
മറ്റാർക്കും പകർന്നുകൊടുക്കാൻ
കഴിയാതെ മുറുകെ പിടിക്കുന്നു
ചുവപ്പിലും കറുപ്പിലും നീലയിലും
സ്വയമടയാളപെടുത്താൻ ഈ
രാവിരുണ്ടുവെളുക്കും,
ഇനി എത്ര കാതം നടന്നാലാണു ഞാൻ നിന്നിലെത്തുക?
വായിച്ചിട്ടും വായിച്ചിട്ടും തീരാത്തെ ഒരു കോളറ കാലത്തെ പ്രണയം സൈഡ് ടേബിളിൽ കമിഴ്ന്നു കിടന്നു.അവന്റെ തൊണ്ടമുഴ ഇളകുന്നതു ശ്രധ്ദിച്ചു കൊണ്ട് ആവശ്യത്തിലധികം നാടകീയത കലർത്തി അവളു ചോദിച്ചു 'എന്റെ ഫ്ലൊറന്റീനോ അരിസോണ നീ ഒടുക്കം നിന്റെ ഏതു പ്രണയത്തിലേക്കു തിരിച്ചു പോവും'
'നീ ആരാണെന്നാണു നിന്റെ വിചാരം?ഫെർമിന,ലിയോണ,റോസാൽബ,നസ്രത്ത്,സാറ,ഒളിംബിയ...ഇതിലാരാണു നീ എന്നു പറ, എന്നാൽ ഞാൻ പറയാം.'
രണ്ടുപേരും ചിരിച്ചു..ഒരാൾ ജയിച്ച ചിരിയും ഒരാൾ ജയിപ്പിച്ച ചിരിയും.
ഒരുത്തി
ആറുമാസം കൊണ്ടറുപതു
ഓർമ്മകൊല്ലങ്ങൾ കീഴടക്കിയവൾ
ഒരുത്തി
ഒരോ ആറു മിനിട്ടിലും
ഓർമ്മയിലെക്കു നുഴഞ്ഞ് കേറേണ്ടവൾ
ഞങ്ങൾ ബാകർവാടിയിൽ ഐക്യപെട്ടവർ!!

Friday 20 March 2015

ഇടക്കിടെ സംഭവിക്കുന്ന കഥകൾ

സാറാ നീ ഉറങ്ങുകയാണോ?
സാറയപ്പോൾ ചിറ്റപ്പൻ പൊളിച്ചുപണിയിന്നതിനും മുമ്പേയുള്ള വീട്ടിന്റെ ഗ്രില്ല്സില്ലൂടെ കുത്തിചൊരിയുന്ന മഴയുടെയും വെള്ളം നിറഞ്ഞ ഇടവഴിയുടേയുൻ ഫോട്ടോ എടുക്കാന് ശ്രമിക്കായിരുന്നു.
സാറ പിന്നെ അവന്റെ വീട്ടിലെക്കു പുതിയ ഗേറ്റെപ്പം വച്ചു എന്ന കുശലത്തോടെ കയറി ചെന്നു.സോഫയിൽ മഴയോടു പൊരുതി അഴയിൽ നിന്നെടുത്ത തുണികൾ കൂട്ടിയിട്ടിരുന്നു. പാതി മാത്രം ഉണങ്ങിയവ പാതി മാത്രം നനഞ്ഞവ.റ്റീപോയി സഥാനം തെറ്റി കോണിചുവട്ടിൽ കിടന്നിരുന്നു.താഴെ രണ്ട് ഇരട്ടകട്ടിൽ ചേർത്തിട്ട വലിയ മുറി ആരും ഉപയോഗിക്കാറില്ലെന്നു തോന്നി.പൊടി പിടിക്കാതിരിക്കാൻ ഒരു പഴയ കോട്ടൻ സാരി അതിൽ വിരിച്ചിട്ടിരുന്നു.
സാറ നീ ഉറങ്ങുകയാണോ?
ഓ സ്വപ്നമായിരുന്നൊ.. അതു കാണുമ്പോൾ തന്നെ അറിയില്ലായിരുന്നോ? ഉം.
സാറ മുഖം കഴുകിവെള്ളം വടിച്ചു കളഞ്ഞു അടുകളയിലേക്കു നടന്നു. വലിയ വട്ടചെമ്പു അടുപ്പത്തു വച്ചു.
സാറാ നീ നല്ല വെപ്പുകാരിയാണോ?
സാറ ചിരിച്ചു.സാറ അരികഴുകി. ഫ്രിഡ്ജിന്റെ കവറിനടിയിൽ നിന്നു കുറിപ്പെടുത്തു.

Basmati Rice 4 cups
Mutton 1 kg.
Curd 1 cup
Onion 2 cups
Tomato’s 2 nos.
Coriander leaves 1 cup
Mint Leaves 1 cup
Ginger 1 inch
Garlic clove 1 large
Oil 1 cup
Cloves 3 nos.
Cardamom 3 nos.
Cinnamon 2 sticks
Turmeric 1 tsp.
Cumin Powder 2 tsp.
Coriander powder 2 tsp.
Chilly Powder 1 tsp.
Chillies 6 nos.
Grind ginger, garlic, mint and coriander leaves to a fine paste along with yogurt.
Wash the rice and meat pieces. Heat oil and fry all the spices and onions. Fry them till they turn to golden brown. Now add the ground masala paste and finely chopped tomatoes. Fry this out till it is cooked well. Now add the washed meat and water. When it starts to boil add turmeric, chilly powder. Add the rice and allow it to cook for about 15 minutes.
Cover the half cooked biryani and over this keep red hot coal for about 20 minutes. Stir in-between once. Keep it close till it is served. Serve it hot with any spicy curry and raitha.


സാറ ബിരിയാണി വച്ചു . വായിച്ചറിവും കഴിചറിവും വച്ചു ബിരിയാണി വച്ചു.
സാറ വിയർത്തു.സാറാ നിന്നെ എന്തിന്റെ മണമാണു. സാറ കക്ഷം മണത്തു നോക്കി. ഉപ്പു മണം.
സാറാ മോൻ കരയുന്നു.
സാറാ അടുപ്പത്തെന്തോ കരിയുന്നു.
സാറാ ഫോണടിക്കുന്നു.
ഞാൻ നിന്റെ വീടു കണ്ടു. താഴത്തെ മുറിയിലാരും കിടക്കാറില്ലേ?
എന്റെ ഒറ്റ മുറി ഫ്ലാറ്റിലെവിടെയാണു സാറ രണ്ടു മുറികൾ.
ഓ.. എന്നാലതു നിന്റെ വീടല്ലായിരിക്കും.
അവിടെ ഹൈഡ്രാഞ്ചിയ പൂവിട്ടിരുന്നൊ?
ഞാൻ ശ്രദ്ധിച്ചില്ല. പിന്നെ അതു നിന്റെ വീടല്ലായിരുന്നു.
ഉം.

വിശക്കുന്നു സാറ.
സാറ വിളമ്പി. സാറ.. നിനക്കു ഉപ്പു കോരിയിടാതെ ഒന്നും വെക്കാനറിഞ്ഞൂടെ.
സാറാ നീ ഇങ്ങനെ അയാലെങ്ങിനെയാണു.ഒരാളുടെ ഹൃദ്ദയത്തിലെക്കുള്ള വഴി അവന്റെ നാകിലൂടെ ആണെന്നറിഞ്ഞൂടെ.
സാറ ചിരിച്ചു.
നീയിപ്പോൾ ഓരോ തവണയും ഹൃദ്ദയത്തിലെത്താതെ വഴി തെറ്റി ആമാശയത്തിലെത്തി ഡ്രെയ്നേജിലൂടെ ഒഴുകി കടലൂടെ ഒഴുകുന്ന നിന്നെ ഓർത്തല്ലെ ചിരിച്ചതു.
അല്ല .. ഞാനോരൊത്തവണയും നീന്തി കയറി വന്നു മേലുപറ്റിയ ഉപ്പു കുടഞ്ഞു കളയുന്നത്തോർത്താണു ചിരിച്ചതു.
സാറാ..ഇത്തിരി വെള്ളൊം.. എന്തൊരുപ്പിതു പണ്ടാരം.
സാറാ.. നീ നമ്മുടെ കോഴികളെ എന്തു ചെയ്തു?
ഓ. അതോ.. അതിനെയെല്ലാം ഞൻ ആദ്യം അറക്കന്റെ സൈകിൾ ഹാൻഡ് ബാറിൽ തൂക്കിയിടാൻ നോക്കി.പിന്നെ കാരിയറിലെ തകരപെട്ടിയിൽ കുത്തി കെറ്റാൻ നോക്കി. ഒന്നും നടക്കാതെ വന്നപ്പോൾ ഞാനെല്ലാതിനേയും തുറന്നു വിട്ടു. വേറെ എവിടേലും പോയി കൊത്തിപറിക്കട്ടെ. ആരാണീ അറക്കൻ...അവനോ.. അവനാണീ കഥയിലെ നായകൻ.അവന്റെ ഭാര്യ സെൽവിയായിരുന്നു നിഷേധച്ചും സ്വീകരിച്ചും ആണിനെ ജയിക്കാമെന്നു വായനകാരനു മനസിലാക്കി കൊടുക്കെണ്ടിരുന്നതു.
പിന്നെ എന്തു പറ്റി?
പിന്നെ സെൽവി ജയിച്ചിട്ടെന്തിനാ.. ചുമ്മാതങ്ങു ജീവിച്ചാപോരെന്നു ചോദിച്ചപ്പോൾ ഞാനെല്ലാവരെയും പിരിച്ചു വിട്ടു.
ഉം